Weihnachtn, des Fest der Feste s´Fest für Kinder u. die Gäste.Hektisch geht’s davor scho zua, vo früh bis abends gibt’s koa Ruah.A Hetzn, kafa, bocha – Messn, Bruada do derfst nix vergessn.

Der Heilig Omd in dem Joa - zufällich grod a sunntog woa.Sogt Frau zum Mo, gey doa di schicka.Du muast etz no an christbaam schmicka.Da Voda is glei zure ganga und hod des Herrichtn o gfanga.An Bam afgricht, dey Läng her gsägt, in Christbaamstända eine gsteckt.Jetz kumma Kugln Kerzn Sterna, as Kripperl mitsamt de Laterna.Auf´d letzt – ja Himml Donnawetter!! Do fahlt auf omol as Lametta!

Da Mo frogt Frau: Wei, geh mol her. Mir hom ja koa Lametta mehr! Da Muada blogt sogei as Gwissn – denn sie hods alde wegga gschmissn.Vergessn hods a neiss zum kaffa – drum wollts zum Ausborng etz glei laffa.Oba d´Nachbarn drunta driwa – koana hod Lametta üwa.Und alle Gschäfta hom heid gschlossn – bei de Kinda san glei Tränen gflossn!Da sogt da Voda zu da Mamma – etz gey zou – des is koa Drama!Schmück ma altdeitsch holt an Baam – dou mou ma koa Lametta ham.Doch die Kinda jammern glei – mir meng Lametta – mei oh mei ! A Baam und koa Lametta-Schimma, do gfollt uns´s ganze Christfest nimma!

S`Lametta

DAS HOTEL GARNI GLOCKENSPIEL MIT APPARTEMENTHAUS UND POSEIDON-THERME WÜNSCHT ALLEN SEINEN GÄSTEN UND DENEN, DIE ES NOCH WERDEN

WOLLEN, SCHÖNE FEIERTAGE! GEWINNEN SIE DOCH IHREN NÄCHSTEN URLAUB BEI UNS AUF WWW.GESUND-IN-DER-REGION.DE

Jetz iwalengs a stund lang scho – wos gangad als Lametta no?Halt ! Schreit da Voda – etz wird’s bessa- zwoa Dosn Hengstnberg Mildessa! Do namma ma des Sauerkraut – des wird als Christbamschmuck umbaut!A so a Glick – ets fahlt nix mehr – wey – doa an Dosnöffna her! An Deckl afgschnien und afbong- dey Krautfodn einzln aussa zogn.Zum Trickan iwan Ofn ghängt – sche afpasst, dass sei nix versengt! Und etza kimmt da Höhepunkt: Etz wernns in Silberbronze dungt!Krautfäd´n strahln im Silberkleit- oh freue dich Du Christenheit! Da Baam woa wirklich sche wie nie. A wengl gschmeckt hods noch Chemie...A wengl hod se d´Oma gwundert – jo mei sogts – s technische Johrhundert!

A poa Tag draf san a no Fester – a sundog woas, es woa Silvester.Hod Mama gsogt, hiet kinnts eich gfreia – heid Amd steigt de Silvesterfeier!D´Verwandschaft homma do als Gäste – do gibt’s vo allem nur as Beste!Weißwürscht, Bratschwürscht, Sauerkraut.....jessas Na ! Hod Mama gschaut!Des Kraut des hängt am Bam no drom – und glänzt in festlich Silberchrom!Vergessn hods a neiss zum kaffa – zum Ausborgn wars glei wieda glaffa.Oba d`nachbarn , drunta driwa – koana hod a Kraut mehr iwa! Und alle G´schfta hom scho gschlossn – Brouda , do homs gschaut verdrossn!

Doch da Voda wird zum Retter – holt vom Bam glei des Lametta.Mit Nitro – und mit füll Bedacht – wird Silberchrom glei wegga gmacht!Des Kraut anschließend richtig g´ßwassert – fül Essig eine – das grod passert!Dazua no Nelkn, Pfeffa, Solz - a Zwiefl, Lorbeer und a Schmalz.Dann des Ganze gscheit erhitzt...a wengerl hods ja scho no blitzt!

Wey´d Mam de Würscht und´s Kraut aftrogt – hörd ma de Oma wia sie sogt:Des Kraut heit hod an p´sondarn Gschmog – so richtig rass – grod wia i´s mog!So is zum guadn End no kumma. Aft letzt ham´s alle Abschied gnumma.De Tante Mare sogt sogoa – Schee wor´s – bald wey olle Joah!Nur oans des wundert mi fei scho – sunst hobts am Bam Lametta dro!Do reagiert da Voda gschickt: Woast – mia hom heia Altdeitsch gschmickt!

Autor unbekannt. Bearbeitung Claus Weikel

www.gesund-in-der-region.de

Foto

s: ©

focu

s find

er, W

aveb

reak

Med

iaM

icro

, esh

ma,

Chr

istia

n H

illeb

rand

, vel

azqu

ez, O

rtis,

leni

ngra

d197

5, sh

ayco

bs, a

vian

, ele

ctric

eye,

Iroc

hka

- sto

ck.a

dobe

.com