Karnevalsgesellschaft von 1973 e.V.

Mess op Kölsch

am 15. November 2008

en der Faarkirch St. Pankratius

en Junkersdorf

Zelebrant: Pastur Dr. Wolfgang Fey

Ehrensenator vun dä Große Junkersdorfer

Seite 2

*****

Ne Mann, dä sing Heimat verlööt es wie en Vugel, dä us singem Ness avhaut.

(Spr. 27, 8)

*****

(7) Sin die, die da schwaade nit all us Galiläa? (8) Wie hüre mer die dann jeder in singer Muttersproch?

(12) Se krähten et ze vill, woodte ganz beklopp un sahte sich: Wat soll dat wääde?

(13) Die andere ävver woren am lästere un sahte: Die sin voll vum söße Wing.

(Apg. 2, 7 ff.)

*****

Seite 3

Seite 4

Das „G“ im Kölschen 1. Am Wortanfang wird das „G“ / „g“ als „J“ / „j“

gesprochen (z.B. „gode Gave Goddes“) 2. Nach den hellen Vokalen: e, i, ä, ö, ü, ei, eu, äu

sowie nach l und r im Auslaut wird es als „(i)-ch“ gesprochen. Beispiele: „Kreeg, hillig, Wäg, lög, drüg, Deig, Zeug, gesäug, Balg, Sorg, Berg/Birg“.

3. Nach den dunklen Vokalen a, o, u, au wird das „g“ oft als „(o)/(a)-ch“ gesprochen. Beispiele: „Dag, Plog, Woog, Aug, Frog, Zog“.

4. Das „g“ wird nach den dunklen Vokalen a, o, u, au aber auch als „r“ gesprochen. Beispiele: „sage, Mage, froge, dauge (taugen), Vugel“. Ausnahme: es beginnt ein neues Wort, wie in „Herrgodd“ oder „Baugeröss“ oder bei Silbentrennung in Fremdwörtern wie „Theologie“ oder „Spagat“ – dann wird das „g“ als „j“ gesprochen (siehe Nr. 1).

Kleine Lesehilfe zu „G” und „J”:

Trotz der für ungeübte etwas erschwerten Lesbarkeit wurde - abweichend zu den Vorjahren -

im gesamten Text die offizielle kölsche Schreibweise des „G/g” eingehalten

Als kleine Lesehilfe sind die als “J/j” auszusprechenden Stellen jedoch kursiv als “G” oder “g” dargestellt.

Seite 5

Zom Engang Männerchor Kölner Bäcker von 1912 e.V. Huh dot üch op, de Pooze der Ääd! Huh dot üch op, de Pooze der Ääd, dann der Künning der hüchste1) Ihr trick jetz en. Wer es der Künning, wer es der Künning der hüchste1) Ihr? Der Häär stark un mächtig, mächtig im Strigg. Godd Zebaoth, Godd Zebaoth! Huh dot üch op, de Pooze der Ääd! Huh dot üch op, de Pooze der Ääd, dann der Künning der hüchste Ihr trick jetz en. Der Häär, der Häär es dä große Godd, Der Häär, der Häär es dä große Künning, Mer all lobe2) singe hell’ge3) Name, mer all lobe singe hell’ge Name, mer all lobe singe hell’ge Name! Amen! Melodie “Hoch tut euch auf” von Christoph W. v. Gluck

1) Gesproche [hy:kstə]. 2) Veraltet: “lovve”. 3) Singe “hellige” Name.

Pastur:

Loss mer aanfange met nem Groß an der Herrgodd. Uns röf zesamme der Vatter, der Sonn un der Hellige Geis. Unse Herrgodd soll luuter met üch sin. Allbeienein:

Un och met dir et ganze Levve.

Seite 6

E Huus voll (Orgel, Melodie GL 639: Ein Haus voll Glorie schauet) Allbeienein: (1) Ei Huus voll Leech un Levve

hät uns der Häär gebaut; kann jeder god dren levve, dä op der Häär vertraut. Häär, mer lobe Dich, Häär, mer priese Dich, loss doch en Dingem Huus uns finge Freud un Trus.

(2) Geiht alles der donevve,

do denks, do bes am Eng, dann leg ganz stell di Levve dem Herrgodd in de Häng. Häär, mer lobe Dich, Häär, mer priese Dich, loss doch en Dingem Huus uns finge Freud un Trus.

(3) Stürmt et ens öm de Muure

un kraach der Donner laut Dat Huus weed üvverduure op festem Grund gebaut Häär, mer lobe Dich, Häär, mer priese Dich, loss doch en Dingem Huus uns finge Freud un Trus.

Seite 7

Scholdbekenntnis Lektor:

Herrgodd, ich bin nit esu, wie do mich han wells. Ich weiß, dat ich god sin soll. Ävver wat brängen ich op de Bein? Ich dun esu, als köm ich ohne dich zerääch, maache Frack un Unfridde, un mänchmol ben ich e richtig Bies. Do kanns nit met mer zofridde sin. Dat gevven ich der zo, leeven Häär, och üch, ehr Engele un Hellige, un üch, ehr Bröder un Schwestere. Keinem andere well ich et en de Schohn däue: Ich ben et gewäs, un dat deit mer leid, ärg leid. Wat soll ich no maache? God Muttergoddes, ehr Engele un Hellige un ehr, leev Bröder un Schwestere, dot för mich bedde, dat der Herrgodd mich widder opnimmp wie en Mutter ehr Kind. Allbeienein: Amen. Pastur: Unse Häär un Godd schenk uns sing Erbarme. Hä nimmp vun uns Sünd un Schold, dat mer met reinem Hätz dat hellige Offer fiere. Allbeienein:

Amen.

Seite 8

Gloria (Orgel, Melodie GL 257: Großer Gott wir loben Dich)1) Allbeienein:

(1) Großer Godd mer lobe Dich Häär mer priese dinge Kr~a~ff Vür Dir beugt ganz Kölle sich un bestaunt wat Du gesch~a~ff’. Wie Do wors vür aller Zigg so bes Do och hee un hügg.

(2) Dat all, wat Dich lobe kann,

deit mit uns sing Stemm erhevve, Große, Kleine, Frau un Mann Engel, die em Himmel levve, Alle rofe se der zo, Hellig, hellig bes nur Do.

(3) Vatter, Dich, dä lenk un trüs,

welle mer hügg singend lobe, wie dä Sonn, dä uns erlüs un uns föhrt zo Dir do bovve, ihren och der Hell’ge Geis2), der uns god zo leide weiß.

(letzte Stroph mehrstimmig met Männerchor Kölner Bäcker von 1912 e.V.:)

(6) Net nur Sonndags wolle mer Dich un Dinge Name priese, un zo alle Zigge Dir, der nüdige Respekt erwiese, Gnädig hilf uns in der Nud Rette uns us Sünd un Dud.

1) Der Tex der zweite un dritte Stroph es zem Deil esu wie em Pontifikalamp met

Karnevaliste em Huhen Dom zo Köllle bei der Sessionseröffnung 2007/2008). 2) Der “Hellige Geis”.

Seite 9

Lesung Lektor:

Mer höre de Lesung us dem Breef vum Apostel Paulus an die Philipper: Der Häär es noh (Phil. 4,4-7): Dot üch vun Hätze üvver unse Herrgodd freue. Mer kann et nit off genog sage: Dot üch freue! Dat ehr god sid, müsse de Minsche ze spöre krige. Ehr wesst et doch: Der Häär es noh. Vör allem loot üch nit jeck maache vun Sorg öm et Levve, nä, loot kumme, wat kütt! Ävver wann ehr der Häär aanroft un zo im bedde dot, dann dankt im un saht im, wat üch fählt un hä weed üch ene Fridde en et Hätz schenke, dä huh üvver all dat erusgeiht, wat mer sich usdenke kann. Lektor: Wööd vum lebendige Godd. Allbeienein:

Leeven Herrgodd, Danke.

Seite 10

Zweschegesang (Orgel, Melodie GL 218: Gelobt sei Gott im höchsten Thron) Allbeienein:

Gelobt sei Godd em kölschen Ton, samt singem engebor’ne1) Sonn, der för uns hät genog gedon. Halleluja, Halleluja, Halleluja. No bedde mer dich, Häär Jesu Chress, weil do vum Dud erstande2) bes, gevv allen wat uns hellig es. Halleluja, Halleluja, Halleluja. O Häär, do mähs uns Hätz ganz wigg; nemm vun uns Schold un Strigg. Dir singe mer zo jeder Zigg: Halleluja, Halleluja, Halleluja. 1) Der “engeborene” Sonn. 2) Vun der Dude “opgestande”.

Seite 11

Evangelium Pastur: Unse Herrgodd soll luuter met üch sin. Allbeienein: Un och met dir et ganze Levve. Pastur: Us dem Evangelium, wie et der hellige Matthäus opgeschrevve hät. Allbeienein: Häär, mer priese dich un ding Wood. Pastur: (Mt. 6,25 ff.), (Warnung, sich net ze vill irdische Sorge ze maache:) (25) Ich sage üch: Sorgt üch net öm üür Levve

un wat er esse un drinke wäädt, och net öm der Liev un wat ehr dun sollt. Es et Levve net mih wie Esse un es der Liev nit mih wie Klamotte.

(26) Beloot üch de Vügel ungerm Himmel, se säe nit, se ernte nit, se sammele nix in Schüüre, un ehr himmlischer Vatter gitt inne doch ze fresse. Sid ehr dann nit vill mih als die?

(28) Un woröm sorgt ehr üch öm Klamotte? Beloot üch de Lilie op dem Feld, wie se wahße, se arbeide nit un se spinne och net.

(30) Wenn Godd dem Gras op dem Feld, wat hügg steiht un morge ald in der Ovve geworfe weed, de grön Färf aantrick, weed hä nit vill mih an üch dun, ehr Kleingläubige?

(31) Dröm sollt ehr üch kein Sorge maache un och nit sage: „Wat weede mer esse wat weede mer drinke, wat wolle mer uns aantrecke?”

(32) Noh solche Saache trachte de Heide. Dobei weiß üür Vatter im Himmel genau wat ehr all bruche dot.

Seite 12

(33) Bemöht üch an eetster Stell öm et Reich Goddes un öm sing Gerechtigkeit, su weed üch alles andere zofalle.

(34) Dröm sorgt üch net öm morge, dann der neue Dagch) weed für dat Singe sorge. Et es genogch), dat jeder Dagch) sing eige Plogch) hät.

[ch) Am Eng met “o/a ch” gesproche.]

Evangelium vun unsem Häär, Jesus Christus. Allbeienein: Christus, mer lobe un mer priese dich.

De Prädig

*****

Un Moses sproch zo inne: Keiner soll jet üvverig looße bes morge

(2 Mose. 16, 19)

*****

Seite 13

Unser Veedel1) Männerchor Kölner Bäcker von 1912 e.V. (A) Chor: Wie soll dat nur wigger gonn,

wat bliev dann hügg noch stonn? Die Hüüscher un Gasse, die Stündcher beim Klaafe, es dat vörbei?

(1) Chor: En der Weetschaff op der Eck

stonn de Männer an der Thek. De Fraulückcher setze beim Schwätzcher zesamme, es dat vörbei?

(R) Allbeienein: Wat och passeet, dat ene es doch klor:

Et schönste wat mer han schon all die lange Johr, es unser Veedel, dann hee hält mer zesamme, egal wat och passeet, en unsem Veedel.

(2) Chor: Uns Pänz, die spille nit em Gras,

un fällt ens einer op de Nas, die Büüle un Schramme, die fleck mer zesamme, dann es et vörbei.

(R) Allbeienein: Wat och passeet, dat eene es doch klor,

mer blieve wo mer sin schon all die lange Johr, en unsem Veedel, dann hee hält mer zesamme, egal wat och passeet, en unsem Veedel.

1) Tex (hee redigiert) un Musik: Bläck Fööss.

Seite 14

Credo (Orgel, Meldie: GL 097, Ich glaube Herr, dass Du es bist) Allbeienein: Ich gläuve Häär, dat Do et bes, durch dä mer sin un levve. Ich gläuve och, dat Jesus Chress för uns sich hingegevve. Ich gläuve an der Hellige Geis dä Godes uns zo lihre weiß zom Heil deit dat uns föhre.

Seite 15

Förbedde Pastur: Leeven Herrgodd, Jesus hät uns gelihrt, dat mer Dich Vatter nenne dürfe. So bedde mer Dich: Lektor: Leeven Herrgodd, loss de Minsche ehre Geldsorge net esu wichtig nemme un et Reich Goddes un un sing Gerechtigkeit an eetste Stell setze. Allbeienein: Häär, unse Vatter, hür uns aan un dun et gevve! Lektor: Leeven Herrgodd, loss uns begriefe, wie sehr dä ein dä andere bruch un loss uns immer förenein do sin! Allbeienein: Häär, unse Vatter, hür uns aan un dun et gevve! Lektor: Leeven Herrgodd, loss uns en der Kirch, em Dorf un en de Vereine met der Dorfgemeinschaff zesamme stonn un loss uns de Gemeinschaff im Dorf huhalde, als wöre mer eine Liev us ville Gleeder! Allbeienein: Häär, unse Vatter, hür uns aan un dun et gevve! Lektor: Leeven Herrgodd, loss uns nit nur en der Fastelovendszigg vill Freud metenein un met dä Große Junkersdorfer Karnevalsgesellschaff han un loss uns die Freud och met andere deile.

Seite 16

Allbeienein: Häär, unse Vatter, hür uns aan un dun et gevve! Lektor: Leeven Herrgodd, loss de Minsche der Mot zom Fridde finge! Allbeienein: Häär, unse Vatter, hür uns aan un dun et gjevve! Lektor: Loss uns spöre, dat Du luuter bei uns bes! Allbeienein: Häär, unse Vatter, hür uns aan un dun et gevve! Lektor: Leeven Herrgodd, loss die, die ald dud sin, en Dingem Rich Fridde finge! Mer denke besonders an Herbert Hoppensack un Gerhard Klein. Allbeienein: Häär, unse Vatter, hür uns aan un dun et gevve! Lektor: Leeven Herrgodd, himmlischer Vatter, Ding Leev es ohne Moß, dun uns erhüre un erlöse all die Minsche durch Christus, unse Häär. Allbeienein: Amen.

Seite 17

Zor Gabenbereitung (Orgel, Melodie GL 943: O höchstes Gut o Heil der Welt) Allbeienein: O Vatter, nemm dä Wing, dat Brud un maach durch Jesu Offerdud dodruss sing eige Fleisch un Blod. dat uns erlüs vun Sünd un Nud. Mer lobe Dich en Iwigkeit. Häs uns vum iw’ge1) Dud befreit. Mer läge Dir uns Gave hin, weil mer, ding Pänz, dankbar sin. Schenk uns verwandelt se zeröck Zo unsem Heil un unsem Glöck. Mer lobe Dich en Iwigkeit. Häs uns vum iw’ge Dud befreit. Loor gnädig op ding Pänz erav un wann einer et ens gar nit schaff dä Wäg vun Dingem Sonn ze gonn, su loss in nit vör’m Pöözche stonn. Mer lobe Dich en Iwigkeit. Häs uns vum iw’ge Dud befreit. Mer gläuve all dat do et bes, dä hee em Offer bei uns es, dä luuter steiht op unse Sigg un däm si Wood gild alle Zigg. Mer lobe Dich en Iwigkeit. Häs uns vum iw’ge Dud befreit. 1) Vum „iwige“ Dud.

Seite 18

Gabengebet Pastur: Der Herrgodd soll luuter met üch sin. Allbeienein: Un och met dir. Pastur: Üür Hätz schenkt dem Herrgodd. Allbeienein: Et es doheim beim Häär. Pastur: Mer welle danke dem Häär, unsem Godd. Allbeienein: Dat es god un rääch.

Seite 19

Sanctus Männerchor Kölner Bäcker von 1912 e.V. (Melodie: „Heilig, heilig, heilig“ us der “Deutsche Mess” vum Franz Schubert) (1) Hellig, hellig, hellig, hellig es der Häär!

Hellig, dreimol, hellig, hellig es nor hä! Hä, dä nie gewoode, hä, dä immer wor, iwig es un bliev hä alle Minsche noh.

(2) Hellig, hellig, hellig, hellig es der Häär!

Hellig, dreimol hellig, hellig es nor hä! Allmaach, Wunder, Leeve, alles ringseröm! Hellig, noch ens hellig, hellig es hä dröm.

Noh der Wandlung Pastur: Mer gläuven aan dat groß Geheimnis vum Glaube. Allbeienein: Häär, dinge Dud verkünde mer, un dat do vum Dud opgestande bes, dat priese mer, bes do küss en Herrlichkeit.

Seite 20

Vatter unser Pastur: Mer wääde Kinder Goddes genannt un dat sin mer och. Doröm dörfe mer voll Vertraue ze unsem Vatter em Himmel bedde: Allbeienein: Unse Vatter em Himmel, dinge Name welle mer hellig halde. Di Rich loss kumme. Dinge Welle soll gelde, em Himmel un op der Ääd. Gevv uns hügg wat mer bruche, för zo levve. un dun uns vergevve, wann mer Unrääch gedon han, wie och mer denne vergevve welle, die uns Unrääch gedon han. Häär maach et uns net ganz esu schwer un erlöse uns von all däm Schläächte Amen. Pastur: Dun uns erlöse, Häär, allmächtige Vatter, vun allem Schläächte un schenk uns Fridde en de hüggige Däg. Kumm, helf uns met dingem Erbarme un dun uns behöde vör dem Deuvel un all däm, wat uns durcheneinbrängk, un vör Sünd un Schand, domet mer voll Zoverseech op dat Kumme vun unsem Erlöser Jesus Christus waade. Allbeienein: Dann do häs dat Rich un de Kraff un de Herrlichkeit en Iwigkeit. Amen.

Seite 21

Mer wünsche Fredde Pastur: Unse Herrgodd un singe Fredde solle met üch sin. Allbeienein: Un och met dir et ganze Levve. Pastur: Dem Fredde zom Zeiche dun mer uns us de Häng gevve.

Seite 22

Zo Kölle (Orgel, Melodie: Am Dom zo Kölle) Allbeienein: (1) Am Dom zo Kölle, zo Kölle am Rhing.

Do klinge de Glocke su prächtig un fing. Se dun uns mahne an fröhere Zigg un looße uns ahne, wat fään litt un wigg.

Och uns Junkersdorf hee, met Hüüscher apaat, dren wor noch Levve vun ech kölscher Aat, jo wat hät et doch ald schön Zigge gehatt in all unse Gässcher woodt Kölsch nur geschwaadt.

Am Dom zo Kölle, zo Kölle am Rhing. Do klinge de Glocke su prächtig un fing. Hee welle mer blieve, hee sin mer zo Huus. Hee kritt uns kein Deuvel, kein Deuvel erus.

(2) Am Dom zo Kölle, zo Kölle am Rhing.

Do klinge de Glocke su prächtig un fing. Dröm sin mer gekumme vun Noh un vun Fään, mer priese Dich Herrgodd un bedde öm Sähn.

Jetz maach mer uns Hätz op, genau wie uns Uhr. Mer wolle Dich hüre, wat Do sähs es wohr! Jo Do bes uns Vörbeld in Levve un Dud. Do mähs uns zefredde en Freud un en Nud.

Am Dom zo Kölle, zo Kölle am Rhing. Do klinge de Glocke su prächtig un fing. Göv Godd singe Säge, dat uns bliev die Stadt, wo jeder op Ääde sing Freud doch dran hat.

Melodie un Originaltex vum August Schnorrenberg. Der Tex woodt deilwies geändert ov avgewandelt.

Seite 23

Kummelion:

Pastur: Loot hee, et Goddeslamm, dat op sich nimmp de Sündeschold vun der ganze Welt! Allbeienein: Häär, ich ben et nit wäät, dat do bei mich küss, ävver ein Wood vun Dir mäht Liev un Siel widder fruh. Pastur: Sillig sin die, die op de Huhziggsfier vum Goddeslamm engelade sin. Kutt - un seht wie god der Häär es!

Leed zor Kummelion Männerchor Kölner Bäcker von 1912 e.V. (Melodie GL 464: Gott in der Höh sei Preis und Ehr, ...) Godd en der Hüh es Lob un Ihr, de Minsche Fridde op Ääde. Do unse Vatter, hüchste Zier, verherrlich solls do wääde. Häär Jesus Christus, Goddes Sonn, mer lobe dinge Name. Do wonns met Godd, dem Hellige Geis, em Leech vum Vatter. Amen.

Seite 24

Noch en Leed zor Kummelion Männerchor Kölner Bäcker von 1912 e.V. (Melodie: „Ein Haus voll Glorie schauet“ GL 639) Häär, do häs engelade Un fiers met uns e Fess. Do deis ald op uns waade, Un mer sin gään ding Gäss. Losst uns singe, Lück, unsem Herrgodd hügg, Zo singer Ihr e Leed. Hä es dä gode Heet. De Vügel ungerm Himmel, se säe selver nit. Se sammele nix in Schüüre, un esse dannoch met. Losst uns singe, Lück, unsem Herrgodd hügg, Zo singer Ihr e Leed. Hä es dä gode Heet. Kümmert üch nit öm morge, um Esse oder Geld, der Häär weed för üch sorge, hä weiß wat üch fählt. Losst uns singe, Lück, unsem Herrgodd hügg. Zo singer Ihr e Leed. Hä es dä gode Heet. Dot setze dat Rich Goddes an allereetste Stell Gerechtigkeit soll walde, dä Ress, dä kütt vun selvs. Losst uns singe, Lück, unsem Herrgodd hügg, Zo singer Ihr e Leed. Hä es dä gode Heet.

Seite 25

Dankleed (Orgel, Melodie GL 266: Nun danket alle Gott ...)

Allbeienein: (1) Jetz danke mer all Godd

met Hätz un Mung un Hä~ng Der große Wunder deit an uns un alle E~ng dä uns vum Mutterliev un Kinderbeincher aan unzählig vill zo god bes hee hin hät gedon

(2) Do leeve Häär un Godd,

schenk uns en unsem Levve e Hätz voll Freud un Mod, un Fridde dun uns gevve Ding Gnad en Angs un Leid uns luuter trüste deit, do häs erlüs uns all för alle Iwigkeit.

(3) Der Vatter un der Sonn,

welle mer luuter ihre, un och der Hellige Geis am Himmelsthron mer fiere. Vum Vatter, Sonn un Geis, wie et vum Aanfang wor un iwig blieve weed, en Zukunft Johr öm Johr.

Seite 26

Sähn

Pastur: Mer bedden öm der Sähn vum Häär. Der Herrgodd soll immer met üch sin. Allbeienein: Un och met dir et ganze Levve. Pastur: Godd, unser Vatter, der Quell vun all unser Freud, schenk üch alle Zigg em Himmel un op der Ääd e Hätz voll Leev un Freud. Dozo sähnt üch, der allmächtige Herrgodd, der Vatter un der Sonn un der Hellige Geis. Allebeienein: Amen.

Seite 27

Schlussleed Männerchor Kölner Bäcker von 1912 e.V. Wann morgens em Nevvel uns Kölle noch schlöf tridd höösch aan et Sünnche, en Glock fään ald röf, dann waach op uns Heimat, uns Kölle am Rhing, de Krun aller Städte em Goldsonnesching. Dä Dom steiht pieloprääch, vörbei es de Naach, hä spegelt em Rhing sich en all singer Praach, dann größ hä uns Kölsche, och die en der Fään, deit Trone versöße, die Kölle han gään. Wer wigg en der Fremde, mööch gään baal zoröck, möch gään hee noh Kölle, wann blöht im dat Glöck, un süht hä de Domtürm, dann kriesch hä vör Freud, hät heim sich gefunge, vergesse et Leid.

Seite 28

Entlassung: Pastur: Goht jetz erus met Fredde em Hätze . Goht un deilt die Freud un der Fredde. Halleluja, halleluja. Allbeienein: Mer danken unsem Häär un Godd. Halleluja, halleluja.

Seite 29

Zum Auszug

(Melodie „Heimw(i)h noh Kölle“ vum Willi Ostermann) Chor:: En Köln am Rhing sin mir gebore,

mer han vill Freud en Hätz un Senn. Mer lovven dich och all die Johre, un mööchte luuter met dir sin.

Allbeienein: Wann mir su an dä Herrgodd denke, dann danke mir, im Johr für Johr |: Hä deit uns Freud un Fruhsinn schenke un trüs och die met Ping un Troor. :|

Chor: Gevv Herrgodd, dat mer nie vergesse, en all dem Juuze, hee die Lück, die nit wie mir, sich künne freue, weil sie et Leid zor Ääd geröck.

Allbeienein: Wann mir su an dä Herrgodd denke, un sin de Welt met all dem Leid |: Dann rofe mir: Do muss jetz helfe, die Minsche solle Fründe sin. :|

Chor: Un müsse mir uns Stadt verlooße, wann do uns röfs zu Dir erop. Dann welle mir, ding Kinder, danke, do bovve en uns Heimatsproch.

Allbeienein Wann mir su an dä Herrgodd denke, hügg all sing Kinder hee op Ääd |: Dann wolle mir uns Hätz verschenke, an alles, wat sing Evvebeld. :|

Seite 30

Karnevalsgesellschaft von 1973 e.V.

Auszug aus dem Veranstaltungskalender

Heute im Anschluss an die Mess op Kölsch

Sessionseröffnungsfeier

in der Festhalle der Ildefons-Herwegen-Schule

Programm: Knubbelefutz & Schmalbedach, Timo vom Taxi, Cölln Girls, Mr. Saxman, Loev,

Tanz mit DJ Jürgen Becker Tombola,

Warm/kaltes Buffet, Gaffel-Kölsch vom Fass, Eintritt 12 EUR

Samstag, 14. Februar 2009, 17:11 Uhr

Große Prunk- und Kostümsitzung

in der Festhalle der Ildefons-Herwegen-Schule

Programmauszug: Dreigestirn, Willibert Pauels, Bernd Stelter, Guido Cantz, Ehrengarde,

Gaffel-Kölsch vom Fass, erlesene Weine u.v.m. Einlass 16:11 Uhr, Eintritt 29 EUR

Seite 31

Freitag, 20. Februar 2009, 15:00 Uhr

Kinderkostümfest

in der Festhalle der Ildefons-Herwegen-Schule

Programmauszug: Magicingo, Tom Lehel, Kindertanzgruppen u.a. FC-Cheerleader (Lilliputs)

Einlass 14 Uhr, Eintritt 7,50 EUR

Dienstag, 24. Februar 2009, 14 Uhr

Der Zog kütt Karnevalsumzug durch Junkersdorf

mit anschließendem Karnevalskehraus in der Festhalle der Ildefons-Herwegen-Schule

- Eintritt frei -

Sonntag, 21. Juni 2009, 11:11 Uhr

Familiedag

Frühschoppen und mehr auf dem Dorfplatz vor der Schule

Kartenvorverkauf für die Große Prunk- und Kostümsitzung und das

Kinderkostümfest bei Drogerie Becker, Kirchweg 100,

Tel 0221/486766 und im Internet

www.grosse-junkersdorfer.de

Seite 32

Herausgeber: Erusgegovve vun dä katholische Faargemeind St. Pankratius un dä Große Junkersdorfer Karnevalsgesellschaft von 1973 e.V., 50858 Köln-Junkersdorf (www.grosse-junkerdorfer.de) Verantwoodlich: Dr. Reiner Selbach, Literat der GJ un Lektor. Metgeholfe han: Dr. Wolfgang Fey, Pastur un Ehresenator der GJ, Reinhold Kühling, Männerchor Kölner Bäcker von 1912 e.V. Claus Stumpf, Präsident der GJ © Große Junkersdorfer Karnevalsgesellschaft von 1973 e.V.

Quellen: Konzepte vun de Messe op Kölsch us de Vürjohre Marita Dohmen/Hans Gerd Grevelding: Mir all sin Kölle, Sieben Jahre englisch-italienische Messe mit kölsche un englische Tön, St. Maria Himmelfahrt, 2007 Das Kölsche Wörterbuch, Dr. Christa Bhatt un Alice Herrwegen, Akademie för uns kölsche Sproch, Ausgabe 2005